RUGBY

Saterdag, 6 April, het die Eerstespan rugbyseuns dou voor dag in die pad geval om aan die jaarlikse Bellville sportdag deel te neem. Alhoewel hulle net een wedstryd gespeel het, het hulle hul bes gegee en hulel harte uitgespeel! Die rugbymanne het Hoërskool Porterville ore aangesit en met ‘n goeie eerste wen vir die seisoen teruggekom. Baie geluk aan Jenovan Windvogel wat twee drieë gedruk het, Hercshelle Hendriks wat een drie gedruk het en Ammezine Jansen wat een drie en ses punte met sy skop pale toe verdien het. Die beste speler van die wedstryd was Carlos Saayman.

Baie geluk met hierdie welverdiende oorwinning manne, ons is trots! Baie sterkte met jul wedstryd teen Bonnievale wat Saterdag, 13 April op Bonnievale gaan plaasvind. Ons kan nie wag om julle weer in aksie te sien nie!