HOKKIE

GOED, BETER, SWELLIE HOKKIE!

Die eerstespan hokkieseuns en hokkiedogters het Saterdag, 6 April, aan die jaarlikse Bellville-sportdag deelgeneem. Hierdie sportdag bly ‘n hoogtepunt vir ons spelers, omdat hulle die geleentheid kry om op astro-bane te kan speel.
Die seuns se eerste wedstryd was teen die tuisspan, Hoërskool Bellville. Dit was koud en die seuns moes vroeg speel. Hulle het egter nie toegelaat dat die koue hulle onderkry nie en het die wedstryd gewen! Die doele is aangeteken deur Gerrit Cronjé, Franco Munnik en Wilfred Sefoor.
Hul tweede wedstryd was teen Hoërskool Strand. Dit was ‘n baie kompeterende en strawwe wedstryd gewees. Ons seuns het mooi hokkie gespeel en het ‘n paar kanse gehad om doele aan te teken. Ongelukkig kon hulle nie daarin slaag om ‘n doel aan te teken nie en het gelykop gespeel. Die seuns bly egter nog onoorwonne hierdie seisoen! Wel gedaan manne.
Die dogters het hul eerste wedstryd teen Hoërskool Durbanville gespeel. Hulle het geborrel van opgewondenheid vir hul eerste astro-wedstryd van die jaar. Die dogters het ‘n goeie wen in die sak gesteek. Die doele is aangeteken deur Violet-Ann Strauss en Anique Cronjé.

54514330_2108394319225690_8409151971038068736_n 54517984_2108393922559063_6245014205095739392_n 54519801_2108394112559044_2962181649187471360_n 54729566_2108394432559012_5625781892126081024_n 54799947_2108394229225699_6551562655419596800_n 55600683_2108394049225717_8868420507695841280_n

  1. HOKKIESEUNS- KAMPIOENE!
    Die eerstespan hokkieseuns en hokkiedogters het Vrydag, 15 Maart, vertrek na die jaarlikse Arthur Johnson sportweek in Mosselbaai. Die spanne het vanaf Vrydag, 15 Maart, tot Woensdag, 20 Maart in die “Santos express train” tuisgegaan. Die spanne het hul tyd daar baie geniet en kon na ‘n harde dag van hokkie speel in die branders gaan baljaar. Ons spelers is vergesel deur hul afrigters, mnr. Johann van Deventer en mej. Anlie Potgieter.
    Die spelers het top kwaliteit afrigting ontvang deur onder andere, Springbok hokkiester, Jade Mane! Beide hierdie spanne het ongelooflike mooi hokkie gespeel en baie nuwe vaardighede tydens hierdie toer aangeleer.
    Die dogters het slegs een wedstryd in die toernooi verloor en eindig sesde uit 17 spanne. Hierdie resultaat is ‘n baie groot verbetering van laasjaar en ons is opgewonde vir die seisoen wat voorlê! Anke van der Straeten, graad 10-leerder, ontvang die prys vir die beste doelwagter van die toernooi. Gedurende hierdie week is daar ‘n reeks keurders wat spelers raaksien en kies om in September 2019 oorsee te gaan. Audrey Lee, graad 11-leerder, is gekies om deel te vorm van die span wat in September 2019 in België en Duitsland gaan toer. Ons is baie trots op Audrey en Anke met hierdie pragtige prestasies, wel gedaan.
    Die seuns het hierdie jaar die sporttoer aangepak met die doel om die toernooi te wen! Nadat hulle tweede in 2018 geëindig het, het hulle besluit om hierdie jaar vir goud te gaan!
    Die seuns het al hulle wedstryde in hul afdeling gewen en het deurgedring na die semi-finaal. In die semi-finaal het die seuns die tuisspan, Hoërskool Punt aangepak. Die seuns het die tuisspan gewen en weereens gekwalifiseer vir die finaal van die AJ sportweek, met die hoop om vanjaar as die kampioene gekroon te word.
    Hul tweede wedstryd was teen ‘n effense strawwer opponent, Hoërskool Melkbosstrand. Die dogters was teen halftyd nog gelykop, maar hulle uithouvermoë en sterk wilskrag het hulle deurgedra en die oorwinning verseker! Wel gedaan dames!
    Die hokkiespelers werk baie hard en woon pligsgetrou oefeninge by. Hulle pluk beslis die vrugte van hul harde werk. Ons sien uit na ‘n wonderlike hokkieseisoen saam met hierdie doelgerigte leerders