VCSV

Met Jana Muller as voorsitter en Chanelle van Antwerpen as ondervoorsitter is hulle en hul span van 50 kringleiers reg om ‘n verskil te  maak in elke leerder se lewe. Ons is baie bevoorreg om ook vir dominee Nico van der Walt aan die bestuur van sake te hê. Hy help die kringleiers om,  elke Donderdag, ‘n gepaste boodskap aan die skool te lewer. Een keer ‘n kwartaal is daar ‘n Koffiekroeg van 18:30- 20:30. Hier kan die leerders ontspan en ‘n boodskap saam met hulle neem wat op ‘n kreatiewe wyse deur Ds. Nico aan hulle gelewer word. Daar was ongeveer 40 leerders gedurende die eerste Koffiekroeg en ons moedig almal aan om dit nie mis te loop nie!

Aan die begin van die kwartaal was ons bevoorreg genoeg om die span van TMT by ons te verwelkom. Die studente het die leerders elke dag toegerus met gereedskap om die lewe aan te pak met die hulp van die Here. Die leerders het geestelik gegroei in hierdie tydperk en ons is opgewonde om hulle volgende jaar weer te verwelkom. Daar is  30 Mei ‘n koffiekroeg aangebied. Hier kon die leerders ontspan en ‘n boodskap saam met hulle neem wat op ‘n kreatiewe wyse deur ds. Nico aan hulle gelewer is. Hou die kwartaalbeplanning vir kwartaal 3 dop om nie die volgende Koffiekroeg mis te loop nie!