INTERACT CLUB

  • Die nuwe bestuur vir 2019/20 is hierdie kwartaal verkies en is soos volg:
    • President: Anique Cronje
    • Vise-president: Chanelle van Antwerpen
    • Tesourier: Kayla Baartman
    • Sekretaris: Anmari Bruwer

    Baie geluk en baie sterkte aan hierdie bestuursspan. Ons sien uit om te sien watter verskil julle vir 2019/2020 in Swellendam gaan maak.  Ons doen ‘n beroep op elke Swellie wat deel wil wees van hierdie span om hul name vir Anique of Juffrou Van Zyl te gee. Saam kan ons ‘n verskil maak!

    Die klub sien baie uit om weer in die vierde kwartaal hul hulp te verleen by die Double Century fietsry-byeenkoms.

  • INTERACT KLUB
    Hierdie kwartaal het ons redelik baie gedoen vir die kort tydjie wat ons gehad het.  Ons het blikkies ingesamel wat voor kerstyd aan minder bevoorregte gesinne uitgedeel sal word. Die Interact klublede het ook hierdie kwartaal beurte gemaak om Vrydae-middae by Huis Adaliah en Cooperstraat te gaan kuier om die kinders bietjie besig te hou. So het ons oor 4 Vrydae gehelp om bietjie hand by te sit en glimlaggies op die kinders te gesigte te plaas. Ons het dan ook 6 ‘Santa shoe boxes’ gevul om nog kinderhartjies bly te maak wat andersins waarskynlik nie ’n kersgeskenk sou kry nie. Ons het ook soos elke jaar by die Double Century gehelp met onder andere kos skep en medaljes uitdeel. Ten spyte van ’n baie besige kwartaal is ons dankbaar dat ons op verskeie gebiede kon help en ’n verskil maak. Die klub beoog om volgende kwartaal nog meer aan te pak.
  • Die nuwe bestuur vir 2018/19 is aan die einde van die tweede kwartaal verkies en is soos volg:
    President: Maria Gugel
  • President: Maria Gugel
  • Vise-president: Anique Cronje
  • Tesourier: Lianne Steyn
  • Sekretaris: Anmari Bruwer

Baie geluk julle en baie sterkte aan Maria en haar span! Die besluit is geneem dat die vise-president in die toekoms ’n graad 10 Interacter of jonger sal wees sodat die die persoon outomaties in die daaropvolgende jaar die president sal raak ter wille van kontinuïteit. Anique sal dus in 2019/20 die klub se president word. Congratulations Anique!Die klub het op die laaste dag van die tweede kwartaal die speelgoed-donasies wat deur die skool se leerders ingesamel is by Mossienes Kleuterskool gaan aflewer. Dit het baie kinderhartjies bly gemaak!

Die klub is tans besig met ’n can run projek waartydens blikkieskos ingesamel word vir behoeftige mense in Swellendam. Die projek is tot op hede swak ondersteun. Die klub wil ’n beroep doen op die skool om die projek te ondersteun en so ’n positiewe verskil te maak aan minder bevoorregde mense. Kom ons tel ons seëninge en leef vir meer as net onsself. Blikkieskos (en enige nie-bederfbare voedsel) kan in die karton voor in mnr. Kirsten se klas gesit word.

Die klub sal weer tydens die vierde kwartaal hulp verleen met die jaarlikse Double Century fietsry-byeenkoms.

EERSTE KWARTAAL NUUS
Die Interact Club het die jaar begin op ‘n hoë noot deur 20 nuwe lede by te kry. Die ledetal staan tans op 43. Hierdie entoesiatiese leerders het hulle eerste projek op 14 Februarie gehad waar hulle ongeveer 150 kolwyntjies gebak het en dit aan die plaaslike hospitaal, ouetehuise en DBV se personeel oorhandig het. Hulle het ook ‘n town clean up gehad op 19 Maart waar hulle deur die dorp beweeg het met swartsakke en rommel opgetel het. Die kwartaal is afgesluit met ‘n projek waar hulle aan een van die plaaslike kleuterskole paaseiers gaan uitdeel het en poppekas gehou het! Hierdie leerders is beslis propvol planne en energie en ons sien uit na wat hulle vir die res van die jaar beplan!

51

Die Interact-komitee het die speelgoed-donasies by Mossienes-kleuterskool gaan aflewer. Ons vertrou dit gaan baie klein hartjies bly maak!

TWEEDE KWARTAAL
Die Interact klub het verskeie projekte hierdie kwartaal aangepak. Die grootste projek was die sopkombuis wat op 17 Mei plaasgevind het. Leerders het die Hoofstraat van Swellendam ingevaar en sop met groot glimlagte uitgedeel. Ons wil net baie dankie sê aan mev. Sonja Tipps vir die hulp met die maak en uitdeel van die sop.

Alice Mbatyazwa en Sakeena Titus gaan ons klub van 16 tot 22 Junie verteenwoordig by die Adventure Into Citizenship-kamp in Kaapstad saam met ander Interact klubleerders van reg oor Suid-Afrika. Hul gaan onder andere die Parlement, Kaapstad se Hooggeregshof, die Universiteit van die Wes-Kaap en die Kaapstad Hart Museum besoek. Baie sterkte julle en geniet elke oomblik! Baie dankie aan Swellendam Rotary Klub wat jaarliks twee van ons Interact lede se inskrywingsfooie na die kamp borg. Ons waardeer dit opreg!

Volgende kwartaal sal daar ‘n nuwe leier verkies word. ‘n Spesiale woord van dank aan Maria Gugel wat hierdie groep gelei het vanjaar. Dankie dat jy altyd so goed voorbereid was en met ‘n helpende hand lewens in Swellendam aangeraak het. Ons gaan jou sterk leiding en entoesiasme baie mis!