INTERACT CLUB

INTERACT KLUB
Die skool se Interact Klub werk in samewerking met Swellendam se Rotariër-klub om opbouende dienste aan die plaaslike gemeenskap te lewer, wat reeds op suksesvolle projekte in die verlede uitgeloop het.
Daar was reeds 3 vergaderings gehou in die eerste kwartaal waartydens gemeenskapsprojekte vir die jaar bespreek en beplan is. Daar is ‘n paar opwindende projekte in die pyplyn, waaronder die volgende:
– ‘n Projek by die Buffeljags Biblioteek gedurende die April-skoolvakansie waartydens jong kinders op ‘n konstruktiewe wyse besig gehou sal word.
– ‘n Projek om leerders met hul huiswerk by te staan
– ‘n Bingo-aand vir die dorp
– ‘n Pannekoek-projek waar pannekoeke by wintersport verkoop sal word. Kom ondersteun ons asb!
Indien leerders ‘n hart het vir hul gemeenskap en ‘n positiewe verskil wil maak is hul welkom om by ons aan te sluit.

INTERACT-KLUB – DERDE KWARTAAL
Die Interact-klub het omtrent ‘n besige kwartaal agter die rug. Hulle het afgeskop met ‘n “Family Health Day”- projek, waar hulle Rotary bygestaan het in die verskaffing van gratis mediese dienste aan minder bevoorregtes. Hulle het veral hier met die kleiner kinders toe doen gekry waar hulle die belangrikheid van hande was beklemtoon het, asook gesond eet. Daarna het hulle ‘n heerlike ontbyt saam met Rotary geniet waartydens hulle ‘n splinternuwe skootrekenaar ontvang het vir die klub. Hulle het ook ‘n “town clean up”-projek beplan wat as gevolg van reën uitgestel is na vroeg volgende jaar. Die projek wat egter die meeste sukses behaal het, was die “Santa Shoebox”-  projek. Interact-lede het van hulle kant af 12 bokse oorgetrek en die skool se hulp gevra om hulle vol te maak! Hulle het ook self ‘n paar bokse geskenk. Al die bokse het bygedra tot die dorp se bestaande Santa Shoebox-projek.

Van die Interact se kant af wil ons net baie dankie sê vir Rotary se volgehoue ondersteuning en bydrae tot ons klub. Ons sien uit na die jaar wat voorlê en daar is ‘n paar groot projekte wat ons nog gaan aanpak!