OLIMPIADES & KOMPETISIES

Die volgende leerders neem 18 Mei deel aan die tweede rondte van die Old Mutual Wiskunde Olimpiade: vlnr Juniors (Gr 7-9) – Zoey van der Westhuizen, Lizzy Franken, Jean Mouton en Ella Becker; Seniors (Gr 10-12) – Paul Jordaan en Litha Schutte. Hierdie is nog ‘n geleentheid om hul kennis probleemoplossend toe te pas. Ons wens hul sterkte toe.

BESIGHEIDSTUDIES: GR. 11 PROVINSIALE VASVRA
Vier Gr. 11 Besigheidstudies leerders het op Saterdag 19 Junie aanlyn deelgeneem aan die Provinsiale Vasvra. In die Wes-Kaap het 8 Distrikte en 48 skole die hele dag in verskeie uitskakelrondtes deelgeneem. Ons is besonder trots op twee van ons leerders wat tot by die finale rondte deurgedring het! Dit het ons skool 5de geplaas in die Wes-Kaap, met ‘n gemiddelde van 87, 5%! Baie geluk aan Chamick Oktober met ‘n 4de plek in provinsie (97,5%) en Jazzlyn van Heerden 14de plek (90%). Wys net, wie nie waag nie, wen nie….mooi julle!

PROVERTO OLIMPIADE
Op 12 Mei het 24 Besigheidstudies en Rekeningkunde leerders deelgeneem aan die eerste rondte van die Proverto Olimpiade. Soos verlede jaar, was dit weer aanlyn gedoen. Vir almal was dit ‘n baie goeie leerervaring. Ons is trots om te noem dat 12 leerders deurgaan na die tweede rondte wat op 4 Augustus plaasvind. Hiervoor moes hulle 60%+ behaal het. Besonderse geluk aan Jan-Hendrik Engelbrecht (Gr. 10) en Klara van Niekerk (Gr. 12) wat in beide vakke bo 60% behaal het! Baie geluk aan almal wat deelgeneem het en dan ook aan hierdie 12 leerders wat verder deelneem: Anmari Bruwer, Jan-Hendrik Engelbrecht, Hanli Franken, Nicola Groenewald, Daniel Jooste, Stella Louw, Tawanda Matenda, Quilone Scholtz, Litha Schutte, Jozé Syfers, Julindie van Brakel en Klara van Niekerk. Alle voorspoed vir 4 Augustus

ADMATHS

Sewe Admaths-leerders het 12 April hul eerste formele toets vir 2021 by die Hoërskool Swellendam afgelê. voor vlnr: Lizzy Franken, Litha Schutte, Coenrad van Niekerk, Eben Kruger, Julindie van Brakel
agter: Mev R.Mouton (fasiliteerder), Christiaan Klopper, Ruben Marè, mnr N. Pelser (skoolhoof).

Baie geluk aan Klara van Niekerk wat deelgeneem het aan ‘n nasionale spelkompetisie en deurgedring het na die 2de deel van die kompetisie. Ons is trots op jou!