ATLETIEK

Andrea Boshoff, Francesco May en Ronaldino Jonkers neem op 14 Maart aan die Wes-Kaap atletiek kampioenskappe deel. Hierdie is die laaste byeenkoms om te kwalifiseer vir die Bolandspan wat aan die Suid-Afrikaanse kampioenskappe deelneem. Baie sterkte.










BOLAND BYEENKOMS
Andrea Boshoff behaal ‘n eerste plek op die Boland Kampioenskappe in Hoogspring met ‘n persoonlike beste hoogte van 1,58 en behaal so A-kwalifisering vir insluiting in die Bolandspan.
Francesco May behaal twee brons medaljes op die Boland Kampioenskappe in 400mH en Driesprong.
Ronaldino Jonkers spring ‘n silwer los in die verspring S0/17 op die Boland Kampioenskappe sowel as ‘n brons in die Driesprong
Marli Swart hardloop ‘n pragtige 800m wedloop in ‘n persoonlike beste tyd van 2:25 en behaal ‘n derde plek op die Boland Kampioenskappe
Atlete wat ook pragtig presteer het by die Bolandbyeekoms met skitterende vertonings is Yanga Xuba (800m en 400mH), Franklin May (100mH), Cesco Rossouw (200m), JP Vos (Driesprong), Mia Burger (300mH), Liezel Groenewald(90mH en 300mH), Anri Stighling (Spiesgooi), Lana Gouws (Hoogspring) en Emma du Toit (Hoogspring). Baie geluk aan Christina van der Merwe met die uitstekende prestasies van haar atlete

2020 KLEURE-ATLETIEK

Swellies laat die rekords spat by ons onlangse kleure atletiek. Marli Swart verpletter ‘n rekord in die D0/14, 800m wat reeds vir 33 jaar staan (1987).
Rekords word ook verbeter deur Francesco May S0/19 Driesprong,
Anri Stiglingh D0/15 Spiesgooi en Kari van As D0/17 Spiesgooi.
Baie geluk aan hierdie mooi prestasies.

Op Woensdag, 29 Jnuarie 2020 het een van die hoogtepunte van Hoërskool Swellendam se jaarprogram aangebreek: die jaarlikse kleureatletiek. Hierdie was ‘n opwindende en senuweeagtige dag vir alle Swellie-atlete. Op hierdie dag was baie rekords gebreek, bekers gewen, herinneringe gemaak en vir die matrieks… ‘n laaste rondte om die baan gestap.

Reg deur die dag was die gees hoog. Op hierdie dag word die skool se leerlinge in twee spanne gedeel, namens rooi en blou. Hierdie twee spanne het in die week tot aanloop van die dag punte verdien by gebeurtenisse soos die padwedloop, swemgala, atletiek oefeninge en selfs die toutrek bywoning.

Rooi en Blou was tot die einde toe kop aan kop en net die massa-aflos sou ‘n wenspan na vore toe bring. Die Blouspan het die massa-aflos gewen en was dus as 2020 se wenspan gekroon.

Baie geluk aan die Bloues oor die gees- en optogbekers waarmee hulle ook weggestap het. Sterkte aan elke atleet wat deurdring na die Zone-byeenkoms en ons kan nie wag om volgende jaar weer aan hierdie dag deel te neem nie!