NETBAL

Ons sien uit na ‘n vol en opwindende Netbaljaar in 2021!

Oefentye:
Onder 19 : Me Steenekamp Maandae en Woensdae : 15h30 – 16h 30
Onder 16: Me van Loggerenberg Dinsdae en Donderdae : 16h30 – 17h30
Onder 14: Me le Roux Dinsdae en Donderdae: 15h30 – 16h30

Onder 18
Zené Jacobs
Annelize Jacobs
Suné Mahno
Onder 14
Jana Swart
Marize Boshoff


Marize Boshoff
Jana Swart
Suné Manho
Annelizr Jacobs

Baie geluk aan die spelers wat deurdring na die volgende rondte Wes Kaap proewe.

Plaaslike Netbalkliniek:
Die netbaldogters het die voorreg gehad om op 12 en 13 Maart ‘n afrigtingskliniek by Hoërskool Swellendam te kon bywoon. Ons het ook die o/12 en o/13 spanne van Laerskool Swellendam genooi. Hierdie kliniek is aangebied deur mev. Burtha de Kock, voormalige Protea-afrigter en is bygestaan deur een van die Crinum spelers (die Cheetahs van Netbal). Elke speler het nuwe vaardighede en tegnieke aangeleer. Mev. De Kock is ‘n wonderlik, inspirerende afrigter met ‘n puik aanslag en dit was vir ons as afrigters heerlik om die spelers se opgewondenheid op die baan te beleef. Dit was ook vir ons ‘n riem onder die hart dat ons spelers, ten spyte van die hitte en lang ure van die kurses heeltyd ‘n positiewe gesindheid openbaar het en voluit gegaan het. Ons het werklik groot waardering vir mev. Burtha de Kock wat haar kennis en liefde vir netbal met ons kom deel het. Ons wil ook ons waardering uitspreek teenoor Aan de Leisure Collection vir die borg van hul verblyf hier op Swellendam. Baie, baie dankie ook aan die ouerkomitee, onder leiding van mev. Lourens, wat met soveel entoesiasme reggestaan het vir ons. ‘n Baie spesiale dankie ook aan mevv. Marné van Niekerk en Suzann Swart vir die middagetes voorsien. Ons waardeer u goedgesindheid teenoor ons skool.
Overberg Netbal akademie:
Afrigters van die Overberg netbalakademie het ons netbalkliniek bygewoon om talent te identifiseer vir hierdie akademie. Ses van ons spelers is genooi na die Netbal akademie se toetsgeleentheid op Bredasdorp op 20 Maart. Hier is die spelers blootgestel aan strawwe kompetisie en vaardigheidstoetse en hul moes meeding met 30 spelers vanuit die hele Overberg. Ons is baie trots om te kan sê dat vyf van ons spelers ingesluit is in die Overberg netbalakademie se oefengroep.
Die oefengroep is as volg:
Faith Bogenhapen (Bredasdorp)
Adele Venter (Bredasdorp)
Caithlyn Otto (Hermanus)
Liezl Groenewald (Swellendam)
Ashlee Wessels (Hoërskool Overberg)
Annelize Jacobs (Swellenddam)
Amber Witbooi (Swellendam)
Nicole Madden (Bredasdorp)
Ronday Martin (Hoërskool Overberg)
Jana Swart (Swellendam)
Some Louw (Bredasdorp)
Lana Gouws (Swellendam)
Baie, baie geluk aan elk van die spelers en baie sterkte met die volgende kragmetings! Oefen getrou!
Netbalproewe datums is tentafief op die volgende dae:
o/14, o/17 en o/18 is 14 Mei
o/15 en o/16 is 21 Mei
28/29 Mei – Zone-proewe
4 – 5 Junie – Wes-Kaap finaleproewe
Topskole is 18 – 19 Junie
All ages is 11 – 15 Julie; 15 – 20 Julie afhangende van ouderdomsgroep
Oefenkamp is 2 – 4 Julie

Hoërskool en Laerskool Swellendam was bevoorreg om die Protea afrigter me Burtha de Kock en Kovsie student en crinum speler Arne Fourie hier op Swellendam te kon he!!! Dit was n heerlike kliniek met fantastiese afrigting nou wag ons net om te mag speel!!